ಮೀಡಿಯಾಗಳಲ್ಲಿ ಮಹಿಳೆಯರ ಯುಗ ಆರಂಭವಾಗಿದೆ...

ಇವತ್ತು ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ. ಮೀಡಿಯಾಗಳ ವಿಷಯಕ್ಕೆ ಸೀಮಿತಗೊಳಿಸಿ ಹೇಳುವುದಾದರೆ ಹೆಣ್ಣುಮಕ್ಕಳು ಸಂತೋಷಪಡುವುದಕ್ಕೆ ಕಾರಣಗಳಿವೆ. ಇವತ್ತು ಕರ್ನಾಟಕದ ಮೀಡಿಯಾಗಳಲ್ಲಿ ದಿನೇದಿನೇ ಪ್ರವರ್ಧಮಾನಕ್ಕೆ ಬರುತ್ತಿರುವುದು ಬರಿಯ ಕಣ್ಣಿಗೆ ಕಾಣುತ್ತಿದೆ. ನಿಜ, ಪತ್ರಿಕೆಗಳ ಮಟ್ಟಿಗೆ ಹೇಳುವುದಾದರೆ, ಮಹಿಳೆಯರ ಪಾಲ್ಗೊಳ್ಳುವಿಕೆ ಇವತ್ತಿಗೂ ಹೇಳಿಕೊಳ್ಳುವಂತೇನಿಲ್ಲ. ಆದರೆ, ಟೀವಿಗಳಲ್ಲಿ ಹೆಣ್ಣುಮಕ್ಕಳು ಭರ್ಜರಿಯಾಗಿ ಕಾಲಿಟ್ಟಿದ್ದಾರೆ. ಅವರಿಗೆ ಅಭಿನಂದನೆಗಳು.

ಇವತ್ತು ನ್ಯೂಸ್ ಚಾನಲ್‌ಗಳಲ್ಲಿ ನಿರೂಪಕಿಯರು ಮಾತ್ರವಲ್ಲ, ವರದಿಗಾರರು ಹಾಗು ಇತರ ತಾಂತ್ರಿಕ ಆಯ್ಕೆಗಳಲ್ಲೂ ಮಹಿಳೆಯರು ಮುಂದಿದ್ದಾರೆ. ಈ ಟ್ರೆಂಡ್ ಹೀಗೆ ಮುಂದುವರೆಯುವ ಸಾಧ್ಯತೆಗಳು ನಿಚ್ಚಳವಾಗಿದೆ. ಅದು ಹಾಗೇ ಮುಂದುವರೆಯಲಿ ಎಂದು ಹಾರೈಸೋಣ.

ಹಾಗೆ ಸುಮ್ಮನೆ ಟಿವಿ ನಿರೂಪಕಿಯರ ಕುರಿತು ಒಂದು ಟಿಪ್ಪಣಿ ಇಲ್ಲಿ ಒದಗಿಸಿದ್ದೇವೆ. ಇವರ ಪೈಕಿ ಯಾರು ಹೆಚ್ಚು ಇಷ್ಟವಾಗುತ್ತಾರೆ, ದಯವಿಟ್ಟು ಹೇಳಿ. ನೀವು ಇಷ್ಟಪಡುವ ನಿರೂಪಕಿ ಈ ಪಟ್ಟಿಯಲ್ಲಿಲ್ಲದಿದ್ದರೂ ಪರವಾಗಿಲ್ಲ ಅವರ ವಿಶೇಷತೆ ಕುರಿತು ಬರೆದು ಹೇಳಿ.

ಟಿವಿ ೯
ಉಷಾ: ಸ್ಪಷ್ಟ ಭಾಷೆ, ಗಂಭೀರ ಮುಖಭಾವ, ಹೇಳುವುದನ್ನು ಅತ್ಯಂತ ನಿಚ್ಚಳವಾಗಿ ತಿಳಿಸುತ್ತಾರೆ. ತೊದಲುವ ಮಾತೇ ಇಲ್ಲ. ಅಗತ್ಯ ಇರುವ ಕಡೆ ನಗುವನ್ನು ಚೆಲ್ಲುತ್ತಾರೆ.
ಶೀತಲ್: ತುಂಟತನದ ಛಾಯೆ. ಖುಷಿ ಕೊಡುವ ಆತ್ಮವಿಶ್ವಾಸ. ಅಕಸ್ಮಾತ್ ತಪ್ಪು ಆದರೂ ತಿದ್ದಿಕೊಳ್ಳುವ ಸಮಯಸ್ಪೂರ್ತಿ. ಕಣ್ಣು ಮಿಟುಕಿಸಿ ಮಾತಾಡುವುದು ವಿಶೇಷತೆ.
ಸಮೀನ: ಶುದ್ಧ ಕನ್ನಡ, ಸ್ಪಷ್ಟ ಉಚ್ಛಾರ. ಯಾವ ಕಾರ್ಯಕ್ರಮ ಕೊಟ್ಟರೂ ನಿರರ್ಗಳವಾಗಿ ಮಾತಾಡುವ ಸ್ಥೈರ್ಯ.
ರಾಧಿಕ: ಗಂಭೀರತೆಯೇ ಪ್ಲಸ್ ಪಾಯಿಂಟ್. ಸುಂದರವಾಗಿ ನಕ್ಕು ಇಡೀ ಪರಿಸರವನ್ನು ಆಹ್ಲಾದಕರಗೊಳಿಸುವ ಕಲೆಗಾರಿಕೆ ಇದೆ. ಮಾತಿನ ಶೈಲಿ ಚಂದ. ವಿಷಯ ಮಂಡನೆಯು ಸಹ ಜನರನ್ನು-ಅತಿಥಿಗಳನ್ನು ಆಕರ್ಷಿಸುತ್ತದೆ.

ಸುವರ್ಣ ನ್ಯೂಸ್
ಸುಕನ್ಯ: ಮೃದುವಾದ ಭಾಷೆ, ಆಪ್ತವೆನ್ನಿಸುವ ಶೈಲಿ. ತಪ್ಪು ಹುಡುಕುವ ಪ್ರಯತ್ನ ಮಾಡಿದರೂ ಸಿಕ್ಕಲ್ಲ. ಎಲ್ಲಾ ವಿಷಯಗಳಿಗೂ ಫಿಟ್ ಅಂಡ್ ಪರ್ಫೆಕ್ಟ್
ಭಾವನ: ಮಾತು ಪರವಾಗಿಲ್ಲ. ಧ್ವನಿ  ಕೇಳಲು ಆರಾಮ. ಕೊಟ್ಟ ಕೆಲಸ ನೀಟಾಗಿ ಮಾಡುವ ಉತ್ಸಾಹ ಇದೆ. ಅತಿ ಅನ್ನಿಸದ ವರ್ತನೆ
ರಾಧ ಹಿರೇಗೌಡರ್: ಕ್ರೈಂ ಕಾರ್ಯಕ್ರಮಗಳಿಗೆ ಹೇಳಿ ಮಾಡಿಸಿದ ಶೈಲಿ . ಅದಕ್ಕೆ ಬೇಕಾದ ಖಡಕ್ ಶೈಲಿ ಆಕೆಯಲ್ಲಿದೆ. ಇದು ಹೆಚ್ಚಿನ ಸಂಖ್ಯೆಯ ವೀಕ್ಷಕರನ್ನು ಆಕರ್ಷಿಸುತ್ತದೆ. ಇತ್ತೀಚಿಗೆ ಕ್ರಿಕೆಟ್‌ಗೂ ಸೈ ಎನಿಸಿಕೊಂಡಿದ್ದಾರೆ.
ಶ್ವೇತ: ಚಂದದ ಭಾಷೆ. ಸ್ವಲ್ಪ ಮೂಗಿನಲ್ಲಿ ಮಾಡ್ತಾರೆ ಎಂದು ಅನ್ನಿಸಿದ್ರೂ ಭಾಷೆಯನ್ನೂ ಆರಾಮವಾಗಿ ಬಳಸಿಕೊಳ್ತಾರೆ. ಜನರನ್ನು ಆಕರ್ಷಿಸಲು ಅಗತ್ಯವಾದ ಆಂಗಿಕ ಶೈಲಿ ಇದೆ.

ಉದಯ
ಅನುಪಮ: ಮುದ್ದು ಮುದ್ದಾಗಿ ನಗ್ತಾ ಮಾತಾಡ್ತಾರೆ. ಆ ನಗು ಆಕೆಯ ಮೊದಲ ಪ್ಲಸ್ ಪಾಯಿಂಟ್. ಭಾಷೆಯ ಬಳಕೆಯಲ್ಲೂ ಪಳಗಿದ್ದಾರೆ. ಎಲ್ಲಿ  ಪಾಸ್ ಕೊಡಬೇಕು, ಕೊಡಬಾರದು ಎನ್ನುವ ಸಾಮಾನ್ಯ ಜ್ಞಾನ ಆಕೆಗಿದೆ. ಸಂದರ್ಶನದಲ್ಲಿ ಯಾವ ರೀತಿ ಅತಿಥಿಗಳ ಜೊತೆ ಹರಟಬೇಕು ಎಂದು ತಿಳಿದಿದೆ.
ಹೇಮಲತಾ: ಕೊಟ್ಟ  ಕಾರ್ಯಕ್ರಮ ಯಾವುದೇ ಆಗಿದ್ದರೂ ನಿಭಾಯಿಸುವ ಚಾಕಚಕ್ಯತೆ ಈಕೆಗಿದೆ. ಜನರನ್ನು ಯಾವ  ರೀತಿ ಆಕರ್ಷಿಸಬೇಕು ಎನ್ನುವ ಬಗ್ಗೆ ಚೆನ್ನಾಗಿ ತಿಳಿದಿದೆ. ಮಾತು ಬೋರ್ ಹೊಡಿಸಲ್ಲ. ಎಳೆಯುವ ಸ್ವಭಾವ ಇಲ್ಲ.

ಕಸ್ತೂರಿ
ಲಕ್ಷ್ಮಿ ಮನಮೋಹನ್:  ಒಬ್ಬ ನಿರೂಪಕಿಗೆ ಇರಬೇಕಾದ ಎಲ್ಲಾ ಪ್ಲಸ್ ಪಾಯಿಂಟ್‌ಗಳು ಈಕೆಗಿದೆ . ಭಾಷೆ, ಭಾವ, ನಗು, ಡ್ರಸ್ ಸೆನ್ಸ್, ಸಭ್ಯತೆ , ವೀಕ್ಷಕರನ್ನು ಆಕರ್ಷಿಸುವ  ರೀತಿ...

ಸಮಯ 
ಮಂಜುಳ: ಮಾತಿನ ಶೈಲಿ ಇಷ್ಟವಾಗುತ್ತದೆ. ಆಂಗಿಕ ವರ್ತನೆ ಬೋರ್ ಹೊಡಿಸಲ್ಲ. ನಸುನಗುತ್ತಾ  ಮಾತನಾಡುವ ರೀತಿ ಸಹ ಇಷ್ಟ  ಆಗುತ್ತೆ.

ಈಟೀವಿ  ಕನ್ನಡ 
ಅನು ಪ್ರಭಾಕರ್: ಅತಿಥಿಗಳು ಹೇಳುವುದನ್ನು ಕೇಳುವ ಸಹನೆ ಇದೆ. ಹೆಚ್ಚು ಸ್ಟೈಲಿಶ್. ಮಾತು ಹಾಗೂ ಉಡುಪು ಸಹ ಆಕರ್ಷಕ. ತನ್ನ ಮುಕ್ತ ನಗುವಿನಿಂದ ವೀಕ್ಷಕರನ್ನು ಹಿಡಿದಿಟ್ಟು ಕೊಳ್ಳುವ ಕಲೆ ಗೊತ್ತಿದೆ.

ಜೀ ಕನ್ನಡ 
ಮಾಳವಿಕ ಅವಿನಾಶ್: ಮಾತು ಸ್ಪಷ್ಟ. ಹೇಳುವುದನ್ನು ಅಚ್ಚುಕಟ್ಟಾಗಿ ತಿಳಿಸಿ ಬಿಡುವ ರೀತಿ. ಮಾತಿನ ಶೈಲಿ ಚಂದ

ಜನಶ್ರೀ 
ಸಾಹಿತ್ಯ: ಸುಂದರ ಮೋಹಕ ನಗೆ. ಮಾತು ಚಂದ. ವೀಕ್ಷಕರು ಆಕರ್ಷಿತರಾಗುವುದಕ್ಕೆ  ಅಗತ್ಯ ಇರುವ ಗಂಭೀರವಾದ ಮಾತಿನ ಶೈಲಿ ಗಮನ ಸೆಳೆಯುತ್ತದೆ. ಪ್ರತಿಭಾವಂತೆ.
ಸುಗುಣ: ವೀಕ್ಷಕರನ್ನು ಹಿಡಿಟ್ಟುಕೊಳ್ಳುವ  ಧ್ವನಿ. ವಾಯ್ಸ್ ಮಾಡ್ಯುಲೇಶನ್ ತುಂಬಾ ಚೆನ್ನಾಗಿ ಗೊತ್ತಿದೆ. ಮಾತು ಸ್ಪಷ್ಟ ಸುಂದರ. ಪರದೆಯ ಹಿಂದೆಯೂ ಮಾತಾಡುತ್ತಾರೆ, ಹಿಂದೆಯೂ ಮಾತಾಡುತ್ತಾರೆ. ಎರಡಕ್ಕೂ ಸೈ.

ಇವರುಗಳು ಹೆಚ್ಚು ಜನರ ಗಮನ ಸೆಳೆದವರು. ನೀವೇನಂತೀರಿ? ಈ ಬಾರಿ ಪೋಲ್ ಮಾಡುತ್ತಿಲ್ಲ. ಹಾಗೇ ಕಮೆಂಟ್ ಹಾಕಿ. ನಾವು ಉಲ್ಲೇಖಿಸದವರ ಕುರಿತೂ ದಯಮಾಡಿ ಗಮನಕ್ಕೆ ತನ್ನಿ.